Hello, Timmy同Emi今日同大家檢閱市面上12款平貴價潤唇膏！
1. Maybelline Baby Lips呢個最大路啦，但佢真係好用，顏色自然又夠潤，最啱化淡妝時用，屬人人都應該袋一支喺袋既潤唇膏，平靚正之選！
2. Nivea lovely lips with pinkish boost呢支唔知香港有冇得賣，我喺曼谷boots買，同樣都係有淡淡既粉紅色，我覺得啱夏天用，因為佢既滋潤度屬清爽型，最正係佢仲可以on top加多層粉紅色防曬霜，令到個咀漲卜卜，顏色仲好靚添！
3. Carmex protecting lip balm呢支黎自美國經典護唇專家，佢搽上咀會即時有種好滲透既感覺，好夠潤，質地又唔覺厚身，而且嗰種滲透感令你覺得佢好堅，仲有防曬功能，夏天都啱用。
4. Tony Moly petite bunny gloss bars呢支都係有色既潤唇膏，老實講，顏色就幾靚，可惜潤澤感就冇其它咁好，夏天用都還可以，冬天就唔夠潤喇...
5. Hurraw ! lip balm 呢支近期都好多人談論，拿拿聲喺iherb訂返黎試下，搽上咀都幾滑，可惜滋潤度就冇坊間傳得咁犀利，搽出黎感覺唔令身，matt啲既！呢款lip balm我覺得佢係味道取勝，因為佢有好多隻味，而香既潤唇膏又真係吸引既...
6. Lucas' papaw ointment實情佢唔係潤唇膏，佢係萬用軟膏，所以佢既質地係好厚好傑身既，唔會用佢黎日常作潤唇用，不過好多人教遇到超爆乾既日子用佢黎厚敷即時可以軟化乾裂既咀仔，佢既修護成份連身體其它地方爆冊都可以搽，用佢搽腳踭龜裂都可以好快好番，所以有朋友去開澳洲，帶支返黎開門口都好！
7. Curel moisture lip care stick呢支各方面水準都平平，冇色冇味，敏感人仕啱用，潤得黎都薄身同爽，OK啦！
8. Smith rosebud salve 花蕾膏又係萬用既，除左佢個罐好難開之外，我好鐘意佢，因為用佢既滋潤又香又有lip gloss效果，最鐘意朝早化完妝用，當埋lip gloss...下次買tube裝就唔怕個罐難開！推薦！
9. Elizabeth Arden eight hour cream and lip protectant stick呢個又係勁推既潤唇化寶，都係萬用膏，但佢既修護功能仲巴閉，啱落雪凍傷、太陽曬傷都可以急救，雖然味道麻麻，但功能厲害，所以我都好鐘意佢！
10. Estee Lauder lip conditioner 估唔到佢都幾好用，質數平平穩穩，最適合用黎打底之後搽唇膏，好滑身，好爽！
11. L'occitane baume levres lip balm 呢支有陣淡淡既草本香味，好relax，而且潤得黎夠薄，爽得黎潤既潤唇膏真係唔多，我推佢！
12. Sulwhasoo lumitouch lip care 神級推介，我最鐘意呢支，整體水準夠高，質地軟滑味道又好，好夠潤，又唔會痴lup lup但又有lip gloss效果，滋潤持久，搽完瞓第二朝咀仔都仲係軟林林...呢個冬天我都係靠佢，晚晚都搽佢！能夠被人推舉為神級潤唇法寶並唔係浪得虛名既。唯一缺點係...貴！不過貴得黎值，如果只可以買一支潤唇膏，我會揀佢，一年四季都啱用！
有時間嘅睇埋我地其它分享吖！Share我地啲片比你啲friend睇！
撐我地繼續做白老鼠去試多啲唔同嘅嘢就 subscribe 我地呢個channel，想支持多啲我地嘅就比多個Like吖！多謝！
Thanks for watching again !! Please like and subscribe for more and more sharing !!
Facebook fanspage : http://www.facebook.com/hkfreeminder
email contact : hkfreeminder@gmail.com
Disclaimer﹕product sponsored by myself (Emi) Hahahaaa
